Skip to content

አዲስ በተወለዱ ሕፃናት ላይ የሚከሰት የቆዳና የዓይን ቢጫ መሆን (Neonatal Jaundice) በርካታ ጨቅላዎች ላይ በተለይም በተወለዱ…

Price not stated
Open the post on TikTok
Sold byWecare Digital Health (@wecareet)on TikTok

Details

Posted
31 Oct 2026
Location
Not stated
Category
Baby & kids
Condition
New

Description

👶🏽አዲስ በተወለዱ ሕፃናት ላይ የሚከሰት የቆዳና የዓይን ቢጫ መሆን (Neonatal Jaundice) በርካታ ጨቅላዎች ላይ በተለይም በተወለዱ በመጀመሪያዎቹ ጥቂት ቀናት ውስጥ የሚስተዋል የተለመደ የጤና ሁኔታ ነው። ይህ ሁኔታ በአብዛኛው ጊዜያዊና በራሱ የሚጠፋ ቢሆንም፤ በአንዳንድ ሕፃናት ላይ ግን የቢሊሩቢን መጠን ከመጠን በላይ ከፍ በማለት በአንጎልና በነርቭ ሥርዓት ላይ ዘላቂ ጉዳት (Kernicterus) ሊያስከትል ይችላል። 👉ለዚህ ሁኔታ መከሰት ዋነኞቹ ምክንያቶች የሚከተሉት ናቸው፦ 🟡 ተፈጥሯዊ ወይም ፊዚዮሎጂካል የቆዳ ቢጫ መሆን (Physiological Jaundice) ይህ በጣም የተለመደው ዓይነት ሲሆን፣ ከ50% በላይ በሚሆኑ አዲስ በተወለዱ ሕፃናት ላይ ይከሰታል። ሕፃኑ በተወለደ ከ2 እስከ 4 ባሉት ቀናት ውስጥ የሚጀምር ሲሆን፤ በ3ኛው ወይም በ5ኛው ቀን ከፍተኛ ደረጃ ላይ ይደርሳል። ከዚያም የሕፃኑ ጉበት እየጎለበተ ሲሄድ ከ1 እስከ 2 ሳምንታት ባለው ጊዜ ውስጥ በራሱ ጊዜ ይጠፋል። 🚼 ያለቀናቸው በሚወለዱ ሕፃናት ላይ የሚከሰት (Jaundice of Prematurity) ከ37 ሳምንት በፊት የተወለዱ ሕፃናት ጉበታቸው ገና በደንብ ባለማደጉ ለችግሩ ይበልጥ ተጋላጭ ናቸው። በእነዚህ ሕፃናት ላይ አነስተኛ የሚመስል የቢሊሩቢን ክምችት እንኳ ከፍተኛ የነርቭ ጉዳት ሊያስከትል ስለሚችል ልዩ የሕክምና ክትትል ያስፈልጋቸዋል። 🤱🏽 ከጡት ማጥባት ጋር ተያይዘው የሚከሰቱ ቢጫ መሆን እነዚህን በሁለት መክፈል ይቻላል ፦ 🍼በቂ ጡት ባለመጠባት የሚመጣ ቢጫ መሆን (Breastfeeding Jaundice) በመጀመሪያዎቹ ቀናት በቂ የጡት ወተት ካላገኙ ሰውነታቸው ፈሳሽ ስለሚያጣ የአንጀት እንቅስቃሴ ይቀንሳል። በዚህም ምክንያት ቢሊሩቢን በሰገራ መልክ በፍጥነት ሳይወጣ ስለሚቀር እንደገና ወደ ደም ይገባል። 🍼በጡት ወተት ይዘት ምክንያት የሚከሰት ቢጫ መሆን (Breast Milk Jaundice) በእናትየዋ የጡት ወተት ውስጥ የሚገኙ የተወሰኑ ንጥረ ነገሮች በሕፃኑ አንጀት ውስጥ ቢሊሩቢን እንዳይወገድ ያዘገዩታል። ይህ ሁኔታ ከ3 እስከ 12 ሳምንታት ሊቆይ ቢችልም አብዛኛውን ጊዜ ምንም ዓይነት ጉዳት አያስከትልም። 🩸 የደም ዓይነት ባለመስማማት የሚከሰት (Rh or ABO Incompatibility) እናትየዋ Rh-negative ሆና ሕፃኑ Rh-positive ሲሆን፣ ወይም የእናትየዋ የደም ዓይነት «O» ሆኖ የሕፃኑ «A» ወይም «B» በሚሆንበት ጊዜ የሚከሰት ነው። የእናትየዋ ሰውነት የሕፃኑን ደም እንደ ባዕድ በመቁጠር የሚያመነጫቸው ፀረ-እንግዳ አካላት (Antibodies) የሕፃኑን ቀይ የደም ሴሎች በፍጥነት ያፈርሷቸዋል። በዚህም ምክንያት ከፍተኛ መጠን ያለው ቢሊሩቢን በአጭር ጊዜ ውስጥ በደም ውስጥ ይከማቻል። ይህ ዓይነቱ ቢጫ መሆን ሕፃኑ በተወለደ በመጀመሪያዎቹ 24 ሰዓታት ውስጥ የሚከሰትና አስቸኳይ የሕክምና እርዳታ የሚሻ ነው። 🦠 ሌሎች የጤና እክሎች በወሊድ ወቅት በሕፃኑ የራስ ቅል ወይም ሰውነት ውስጥ የሚፈጠር የደም መፍሰስ (Internal Bleeding/Cephalohematoma)፣ ከባድ ኢንፌክሽን (Sepsis)፣ የG6PD ኤንዛይም እጥረት እንዲሁም ሐሞት ወደ አንጀት የሚጓዝበት ቱቦ ሲዘጋ ወይም በተፈጥሮ ሳይፈጠር ሲቀር (Biliary Atresia) ለከባድ ቢጫ መሆን መንስኤ ሊሆኑ ይችላሉ። 👇🏽አዲስ በተወለዱ ሕፃናት ላይ የቆዳ ቢጫ መሆን መቼ ሊያሳስብ እንደሚገባ ለማወቅ ምስሉን ይመልከቱ 👇🏽 👩‍⚕️👨‍⚕️ጤና ነክ መረጃዎችን ለማግኘት ወይንም ሐኪሞችን ለማማከር ☎️ 9394 ላይ ይደውሉ ። #yellow #jaundice #ethiopian_tik_tok #creatorsearchinsights #sickbabies

Meet the seller in a safe place and check the item before you pay.

See all 2,992