Open the post on TelegramSold byCircle Ethiopiaon Telegram · @CircleEthiopia
Details
- Posted
- 10 Sept 2026
- Location
- Addis Ababa
- Category
- Agriculture & livestock
- Condition
- New
Description
በአዲስ አበባ ለአዲስ ዓመት ያልታረደ በግ በኪሎ በ847 ብር እየተሸጠ ነው
ጣቢያችን ብስራት ሬዲዮ በተለያዩ የአዲስ አበባ አካባቢዎች ላይ ተዘዋዉሮ ባደረገዉ የገበያ ቅኝት በቂ የሆነ የአዲስ ዓመት የእርድ እንስሳት ፣ የግብርናና የእንሰሳት ተዋፅኦ ምርቶች አቅርቦት መኖሩን ተመልክቷል።
ጣቢያችን ያነጋገራቸዉ ሸማቾች ገበያዉ የተሻለ አቅርቦት እንዳለዉ ገልፀዉ ከዋጋ አንፃር ግን በተለይም እንቁላል እየተሸጠበት ያለዉ ዋጋ ዉድ መሆኑን ገልፀዋል ።
እንዲሁም የሽንኩርት ዋጋ አሁን ካለው የመሸጫ ዋጋ መቀነስ ነበረበት ያሉ ሲሆን ዶሮ እየተሸጠበት ያለዉ ዋጋም ዝቅተኛ የኑሮ ደረጃ ላይ ያለዉን የማህበረሰብ ክፍል ያማከለ አይደለም ሲሉ አስተያየታቸዉን ሰጥተዉናል ።
ጣቢያችን ባደረገዉ የገበያ ቅኝት ሄሎ በግ የተሰኘዉ የበግ አቅራቢ ተቋም ያልታረዱ በጎችን በኪሎ በ847 ብር ከ50 ሳንቲም ለገበያ ማቅረቡን ለማወቅ ችሏል።
ሽንኩርት በኪሎ እስከ 100 ብር እየተሸጠ ይገኛል ። ዶሮንም በተመለከተ በ2 ሺህ 500 ብር ለሽያጭ እየቀረበ መሆኑን ተመልክተናል ።
በጎችም እንደየ መጠናቸዉ የተለያየ ዋጋ ተተምኖላቸው ለሽያጭ የቀረቡ ሲሆን እስከ 37 ሺህ ብር በሚደርስ ዋጋ እየተሸጡ መሆኑን ያነጋገርናቸዉ ሸማቾች ነግረዉናል ።
በመባ ወርቅነህ.
@CircleEthiopia
Meet the seller in a safe place and check the item before you pay.